بقلم : شادي جاد
فيه اللي بيموت علشان يعيش احباؤه .. و دي اسمها محبة بلا حدود
و فيه اللي بيموت كتير من احبائه علشان هو يعيش .. دي اسمها جنون منهم انهم يموتوا علشانه و الانانيه منه انه يموت اللي بيحبهم علشان هو يعيش
لما بيبقى واحد بيموت كل اللي بيحبهم علشان يعيش هو ، دي قمة الاستغلال و الانانية ، و اللي بيطلب من احبائه انهم يموتوا الآخريين علشانه برضو مش هتلاقى ليها اسم غير الإجرام
فيه مفارقات كبيرة قوي في تركيبة المحبة المرتبطة بالموت .. دائما الموت هو النتيجة ، و البداية هي من المحبة ، بس التسمية بتختلف على حسب مين اللي هيموت
ليه الشعوب دائما بتموت علشان يحيا قادتها ؟ المفروض انه القائد بيموت علشان خاطر شعبه .. و دا يعتبر جوهر القيادة
ليه بنموت و نقتل علشان يعيش الاله ؟؟!! هو مش المفروض انه هو اللي يموت علشان احنا نعيش .. و إلا تبقى انانيه منه انه يموتنا علشان هو يعيش !! ، ليه بيطالبنا الاله اننا نحبه ، و اننا نزرع الموت فينا و في اللي حوالينا بسبب حبنا ليه !! بالرغم من انه هو معملش كده مع نفسه و طالب نفسه بالموت علشان نعيش احنا ؟؟
اي اله هو اللي بيطلب من اتباعه انهم يضعوا نفسهم من اجله و هو لم يضع نفسه من اجلهم ؟؟!!
المفروض انه يعلمني حاجة هي فيه .. لما يحب يعملني ان اضحي لازم يكون هو ضحى .. لما يعلمني انه عليا اني احب ..لازم يكون هو حب .. لازم يعلمني شئ هو عمله وموجود فيه مش يأمرني بحاجة هو معملهاش و بيطالب بيها
هل موضوع تضحية الاله بنفسه صعب على الناس ؟؟ هل من الممكن انه ينكروا على انه الاله ممكن يقوم بفعل زي كده ؟!! هل لانه الاله هيبقى في الحالة دي ضعيف لما يبقى فيه المحبة الكبيرة دي ناحيتهم ؟؟!! ولا ربما لانهم لم يدركوا معنى الحب بلا حدود ؟؟ ام لانهم اعتادوا على ان الموت نهاية لهم ؟؟ ولا لانهم لم يدركوا قيمتهم الانسانيه عنده ؟؟
بغض النظر عن كل الاسئله دي و اجابتها اللي هاجوبها في مقالات تانية و لكن اسيب معاكم ثلاث مبادئ مهمة
اولا : احترم الاله الذي يقدر انسانيتي و يرفع من شئنها و الدليل على هذا تضحيته لاجلي
ثانيا : لن احب الها هو لم يحبني اولا
ثالثا : لن اضحي إلا اذا رأيت و تعلمت التضحية من هذا الاله لاجلي و هنا سأرى انه ليس لاحد حب اعظم من هذا و اكيد .. ساتبع هذا الاله
