بقلم : سيلا منير
اتفقنا اننا قسمنا الموضوع لجزئين المرسل والمستقبل.
وحكينا شوية علي الجانب بتاعنا كمستقبلين للكلام .وليه ممكن يوصلنا بصورة صعب نفهمها أو غامضة .
المرة دي هاتكلم عن المرسل .
الله نفسه الكلام مش سهل لأن اللي قالله مهما حاول يبسط هو اكبر مني بكتير . فهافهم علي قدي وكل ما أعرفه اكتر بافهم أجزاء اكتر .
الكلام صعب لأنه بيختبر اخلاصي في البحث والخضوع حتي لو مش فاهم . الكلام صعب لانه من منظور مختلف عن الواقع اللي احنا شايفينه .
من منظور القصة كاملة لأن الله برا خط الزمن وأنا محدود بالجزء اللي أنا شايفه .
الكلام صعب لأن المعاني واللغة محدودة . وفهمنا كمان ليها في جيلنا بالذات بيقل لأننا بعدنا قوي عن اصول اللغة وفهمنا ليها. الكلام صعب لأن الله باعته عشان نعرفه. واحنا بنقراه عشان نعرف نعمل ايه نعرف تعليمات.
بس اقول الحق ممكن يكون صعب . لكن الله أمين.
اللي بيجتهد ويدور عليه بإخلاص . اللي عنده استعداد يسمع . بيوصلله الكلام بيفهم منه كل اللي محتاج انه يفهمه هنا لحد مانقابله وجها لوجه هناك.
